Plantun de Prouvènço

Pèr coumpara dos planto d'encò nostre

Euphorbia characias & Salvia aethiopis

Lachusclo

Euphorbia characias

Euphorbiaceae

Àutri noum : Chusclo, Jusclo, Lachousclo, Chousclo, Chassugo.

Noms en français : Euphorbe characias, Euphorbe des garrigues.

Descripcioun :
Planto coumuno de nòsti garrigo que pousso en mato bouissounouso que podon faire mai d'un mètre d'aut. Li cambo soun forto e lignouso emé de fueio espesso. La flour a de bèlli glando rouginasso emé de pichòti bano.

Usanço :
Coume tóuti lis meno d'Euphorbia, la lachusclo es uno planto empouisounanto. Lou la que s'escoulo à la coupo èi di proun irritant pèr la pèu, lis iue e la bouco. Pamens, poudès vous n'en servi pèr crema li berrugo. Ei bon peréu pèr sougna li mouchourlo de fedo e de chivau. Lis ancian se n'en servien pèr tua li pèis de ribiero e pèr aganta li passeroun emé lou visc.

Port : Pichoto planto lignouso
Taio : Pancaro entresigna
Fueio : alterno
Tipe bioulougico : Camefite
Cicle bioulougico : Planto renadivo

Gènre : Euphorbia
Famiho : Euphorbiaceae

Ordre : Malpighiales

Coulour de la flour : Verdo
Petalo : ges
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : 0 à 1200 m
Aparado : Noun

Liò : Garrigo - Roucaio - Tepiero seco
Estànci : Termoumediterran à Subremediterran
Couroulougi : Rosmarinetea officinalis
Ref. sc. : Euphorbia characias L., 1753

Sàuvi(-d'Etioupìo)

Salvia aethiopis

Lamiaceae Labiaceae

Nom en français : Sauge d'Éthiopie.

Descripcioun :
La sàuvi-d'Etioupìo, qu'a d'Etioupìo que lou noum (óurigino éurasiatico) sèmblo proun à la touto-bono en mai pichoto. Pamens èi mai lanouso, a mens d'óudour e flouris forço. Un cop se, li sepalo pougnon. Es uno planto que s'atrobo mens qu'à passa tèms. Coumpara emé la touto-bono que ié sèmblo un pau.

Usanço :
Mens couneigudo que lis àutri sàuvi, sis usanço poudrien pamens èstre proche. Lucho contro l'inflamacioun, li fèbre e la doulour ; èi peréu antisepti.